Steven Gerrard trajneri i Liverpoolit?

13:43 | 5 Tetor 2017
Arbresh.info

Spanjolli Xabi Alonso beson se Steven Gerrard i ka të gjitha aftësitë që të bëhet trajner i Liverpoolit.

Pasi u pensionua nga futbolli vitin e kaluar, Gerrard e filloi karrierën e tij si menaxher në akademinë e ekipit nga ‘Anfield’, dhe këtë sezonë e ka marrë drejtimin e U-18, dhe gjithashtu është duke i udhëhequr U-19 në UEFA Youth League.

Alonsi i cili ishte shok skuadre me Gerrard-in te Liverpool, beson se ky është vetëm fillimi për anglezin.

“Jam duke i përcjellur me shumë interes hapat e tij të parë në karrierën e tij si menaxher, dhe natyrisht ai i ka të gjitha cilësitë që të bëhet një menaxher i madh dhe një menaxher i Liverpoolit një ditë”, ka theksuar Alonso.

Alonso dhe Gerrard kanë luajtur së bashku te ‘Të Kuqtë’ gjatë viteve 2006-2009, duke e fituar edhe titullin e Ligës së Kampionëve në vitin 2005, në Stamboll.

Shpërndaje në rrjete sociale

Lajmet më të lexuara

Të ngjashme

Foto lajm